|
|
||
|
|
ف.قارسییا لورکا
یارا و اؤلوم
ساعات بئشده آخشام اوستو تام آخشام اوستو ساعات بئشدهیدی. آغ چارشابلاری گتیردی اوشاق ساعات بئشده آخشام اوستو. اؤنجهدن حاضیرلانمیش بیر سبد آهک ساعات بئشده آخشام اوستو. قالانی اؤلوم ایدی، یالنیز اؤلوم ساعات بئشده آخشام اوستو. کولک سوووردو دؤرد بیر یانا پامبیق تالالارینی Yara və ölüm
Saat beşdə axşamüstü. Tam axşamüstü saat beşdəydi. Ağ çarşabları gətirdi uşaq Saat beşdə axşamüstü Öncədən Hazırlanmış bir səbəd ahək Saat beşdə axşamüstü Qalanı ölüm idi, yalnız ölüm Saat beşdə axşamüstü Külək sovurdu dörd bir yana pambıq talalarını آرديني اوخوبون ... + Yazılmış 28 Jan 2012 Saat 11:45 بعد از ظهر Yazan turkdaniz - toral | آمئریکا-آفریکاسال بیر پارچا شئعر: لینگئستون هییوز
اوزاق نئجه ده اوزاقدادیر آفریقا.
بیر آنی دا یاددا قالماییب بئله، تاریخ کیتابلارینین ساختا یازیلاریندان باشقا بیر آنی دا یاددا قالماییب بئله، ... آرديني اوخوبون ... + Yazılmış 24 Jan 2012 Saat 9:41 بعد از ظهر Yazan turkdaniz - toral | یازار: ائلفریدئ یئلینئک(۲۰۰۴-جو ایلین نوبئل موکافاتچیسی) آلمانجادان چئویرن: رامیز عابباسلی کؤچورن: قادیر جعفری منیم عزیزلریم! یقین کی، سیز آرتیق کینودا اولموسونوز. ویللی فیش[1] اوغلو توماسا دئییر: « من سنه بیر سؤز دئمهلییم. سنین بیر قارداشین وار». پاوزا.[2] کینودا آدی آندرئاس آنقئرمان[3] اولان توماسا[4] آتاسی ویللی فیش اوتانا-اوتانا دئییر: «طبیعی کی، سنین آنانلا تانیشلیقدان چوخ اوول اولوبدو بو». آندرئاسین اوزو ایشیقلانیر. بونا گولومسهمک دئییرلر. بو دا گؤستهریر کی، اؤز آناسینی چوخ سئویر او. هر واختینیز خئییر، ایچهری گلین. بیز اینقئ ماوزئ[5] گیله قوناق گلمیشیک. بو دا شادلیغیندان شیتلیک ائلهییر. آتیلیب-دوشور، دومبالاق آشیر و دئییر کی، بیلمیرم جاماعات منی نییه بئله چوخ ایستهییر؟ یقین کی، گؤرورلر من کوکلا[6] دئییلم، جانلی اینسانام. قورخوب-ائلهمهیین، آدام یئین دئییلم، من ده سیزین کیمی بیر آدامام. بارماغییلا بورنونو قورتدالاییر، اینقئ پارکئتین[7] اوستونده رقص ائلهییر، سیقارئت کولونون اوستونده اوتورور، آلنینی دیوارا چیرپیر، دیشلری شاققیلداییر. شهادت بارماقلارینی بورون دئشیکلرینه سوخوب بورون پرهلرینی دارتیب آرالاییر. گولدانداکی چیچکلری دوزلدیر اینقئ. هر حالدا من ده اونلاردان بیری اولموشام. آمما ایندی ائله دئییل.
آرديني اوخوبون ... + Yazılmış 15 Jan 2012 Saat 6:22 بعد از ظهر Yazan turkdaniz - toral | ایکینجی بؤلوم من قافلان سویوندانام یقین ایندی هر نهدن اوول منیم کئچن بؤلومدهکی تبریز پیشیگلریندن اولدوغومو دوشوندونوز. ائله ایسه دوغرو بیلمیشسینیز. آنجاق من بوتون تبریز پیشیگلری ایله فرقلی بیریسییم. من هم آوروپا گؤرموش و سولئیمانلا بیرگه گلهجک زامانلارا اوچموش پیشیگم. منه اینانماساز، حئیوانلار عالمینده سیزین دونیانیزین ترسینه اولاراق یالان دئمهنین ایمکانسیز اولدوغونو بیلدیرمهلییم. دوغروسو بیز حئیوانلار بو قدر اؤزوموز کیمی اولوب روللارا گیره بیلمهدییمیزدن بئزمیشیک. اونا گؤره بو قونو دا آرتیق فیکیرلهشیریک. ایندی سیز منه، گؤر ایشیمیز هارا چاتیب بیر بالاجا پیشیک ده بیزه نهسه اؤیرتمک ایستهییر، دئیه دوشونورسونوز. ائلهمی؟ باخ اوندا سیزه حئیوانلارا عایید آشاغیلاییجی باخیشینیز اولدوغونا گؤره شیکایتلهنهجم. نئجه دئیرلر آتالار، یاخشی بابا سیزین آتالارینیز دئمیشکن «اؤز گؤزونده میخی گؤرمور، اؤزگهنینکینده قیلی سئچیر». دوغروداندا منه بیر دئیین گؤروم بیزمی دونیا اوزره ساواشلار، کوتلوی قیرغینلار تؤرتمیشیک یوخسا سیز؟ چوخ اوزاغا گئتمهیین، باخ بو ایکینجی دونیا ساواشیندا اؤزونوز جهننم بیزه دین یارالاری کیم ساغالداجاق؟ تصوور ائتسهنیز هیروشیما یا ناکازوکیده نه قدر حئیوانلاردا سیزین فیکیر بوغوشمالارینیزین قوربانلاری اولدولار. اونلارین ایچینده بلکه منیم هر بیرینی باشقا بیر ماراقلا سئوییب عزیزلهدیییم پیشیکجیکلر ده اولموش. یا خود دونیانین ان دادلی یئمهیی ساییلان گؤزل سیچانلاریم و زهرلهدیینیز سولاردا نئجه ده یئمهلی بالیقلار... آرديني اوخوبون ... + Yazılmış 16 Dec 2011 Saat 5:44 بعد از ظهر Yazan turkdaniz - toral | یازماقدا اولدوغوم روماندان بیر پارچالار: ۱-منی تانیمایاجاقسینیز
هه، هئچ بیرینیز یانیلمیرسیز. منی تانیمایاجاقسیز. آنجاق هامینیزا بونون بللی نهدنینی ایسه، بیر آز دؤزسهنیز آچیقلایاجام. البتته منیم ده سیزین کیمی آنادان اولاندان آدیم و سوی آدیم واردیر و ائله گلهجکده سیزه اؤز آدیملا دا دانیشاجاغام. ایندی سیزه بو سیرری آچمادیغیمین نهدنی آیدینلاشا بیلر. من گلهجک صحیفهلرده اوخویاجاغینیز آجی-شیرین،آما داها چوخ آجی اولایلارین سببکارییام. اؤزونوزو بیر آن منیم یئریمه قویسانیز، بلکه منیم کیمی جورات ائدیب اؤز ایچینیزده ائعتیراف ائتمزدینیز. ان آزی من سیزین بونو ائدهجهیینیزه قوشقولانیرام. یقین بونو سیزه دئدیییمین سببی منی تانیمادیغینیزدان کیمسهیه هئچ نه سؤیلهیه بیلمهدیینیزدیر. هر هانسی بیر کوت بئیین اوخوجو دا، یازارین منیم کیم اولدوغومو بیلدیینی، دوشونور. بو مسهلهنی چؤزمک، منیم اوچون چوخ دا چتین دئییل. آرانیزدا اولان بیر سیرالاری کیمی، منده یازارین وارلیغینی دانا بیلهرم. هه، یازار یوخدو یادا اؤلدو، دئییرم. ائله بونا گؤره هر نهیی من سیرایلا سیزه دانیشاجاغام و سیز منیم کیم اولدوغومو بو نهدنله ده اؤیرنمهیه چالیشمایین. یازاری اؤلدوره بیلیرمسه، دئمهلی اوراداکی دانیشیغیمدا اوسلوبومو گیزلتمهیی اولدوقجا راحات باجاریرام. بو نانکور سولئیمان دوستاقلانمامیشدان قاباق اونا «سئودانی بوراخ» دئییب، بیر چوخ سؤزلری آچیقلامیشدیم. بونو ائتمیشدیم می؟! بیلمیرم. هر حالدا ایندی اونا پادشاهیمیزین دوستاغیندا قاینار سو دا آچسالار، حاققیدیر. پادیشاه دئدییمده سیز یانیلمایین. البتته ایندی کراللیق دؤوری دئییل. نئینک قوی شاه اولسون... آرديني اوخوبون ... + Yazılmış 29 Nov 2011 Saat 6:41 بعد از ظهر Yazan turkdaniz - toral |
ایناندیریرسان منی یاشیل باغچامیزین ائرکن سارالماسینا ایناندیریرسان منی یاتاغیندان یاشیل خیانتین قوخوسو گلیر و شوپئنین اؤلوم نغمه سینی چالان " پیانیسیت [1]" "بئش مرتبه لی ائوین آلتینجی مرتبه سی"[2] نده کی گؤز...ال...له سئویشیر اینان قیریرسان منی سؤزجوکلرین یویولماسینا چوخداندیرکی باغچامیزدا یاغیش اکمیشم. + Yazılmış 6 Sep 2011 Saat 6:36 بعد از ظهر Yazan turkdaniz - toral |
1 منه گؤز قویان نه سه وار اوخودوغوم کیتابلاردان باخدیغیم رسیملردن، فیلیملردن ائله جه سئوگیلیمدن منی اوشودن نه سه وار اؤپمک ایسته میرم هئچ دوداغیندان. آرديني اوخوبون ... + Yazılmış 27 Aug 2011 Saat 11:55 قبل از ظهر Yazan turkdaniz - toral |
قوسل
« ناغیللارین هامیسی یالان دئییر.» آنام دئییر. قونشوموزون قیزی آنامی چوخ سئویر. اونونلا امکداش اولماق ایسته ییر. دئییرم« آی آنا، آخی سارایی سن اؤزون منه تعریفله ییبسن، آدینی اؤزوم سنه سئچمیشم دئییبسن». سئچمیشم؟! بیز نه یی سئچمیشیک کی ماما؟ هرنه اؤزو بیزی سئچیب.« اوولده اینجیییرسن، سونرا هر نه راحاتلاشیر. عادت ائدیرسن.» عادت ائدیرم .آی با آی، گون به گون. بیری اولمایاندا داریخیرام. یوخ ماما من عادت ائدممیرم.«سنه دئدیم آخی ناغیللارا اینانما» هه، اینانمیرام آتام منه بئله ائده. آتام چالغیچیدی.ویالون چالار.اصلن الینه نه گلسه چالار. ایندی ائله چالدی کی، تیرشته نی دئییرم. کله سی یاریلدی. قان سیزدی... اوووه...اوووه.... ایندی آی باشی دئیل کی. موللا دئییر قوسل وئرگینن. وای ماما قان سیزدی بیر آز یاواش. یوووخ...یوووخ... «حسن عمی سن آللاه بسدی.چکیل اوستومدن، قانات...» قانادیم. قول- قانادیمی دئییرم. آشیق علسگرین قانادی کیمی سیندی یانیما دوشدو.آتاما آتما دئدیم.حسن عمی منه آتما دئدی... "nağılların hamısı yalan deyir", Anam deyir. Qonşumuzun
qızı anamı çux sevir. onunla əməkdaş olmaq istəyir. Deyirəm "ay ana, axı
sarayi sən özün mənə tərifələyibsən, adını özüm sənə
seçmişəm deyibsən". Seçmişəm?! Biz nəyi seçmişik ki mama? Hərnə
özü bizi seçib. "əvvəldə inciyirsən, sonra hər nə rahatlaşır. Adət edirsən". Adət
edirəm. Ay ba ay, gün bə gün. Biri olmayanda darıxıram. Yox mama mən adət edəmmirəm.
"Sənə dedim axı nağıllara inanma". hə, inanmıram atam mənə belə edə.
Atam çalğıçıdı...
آرديني اوخوبون ... + Yazılmış 9 Aug 2011 Saat 12:25 بعد از ظهر Yazan turkdaniz - toral | کؤلگه
بوغا بیلمه یه جک یالقیزلیغیمی توکندی کینو تئاترلار اوخوللار پارکلار و یالنیز یوخولاردا دولاندیغیمیز بارلار...
Boğa bilməyəcək yalqızlığımı Tükəndi kino teatrlar Oxullar Parklar Və yalnız yuxularda dolandıgım barlar...
آرديني اوخوبون ... + Yazılmış 17 May 2011 Saat 7:38 بعد از ظهر Yazan turkdaniz - toral | شعیر: ناظیم حیکمت
مملکتیم، مملکتیم، مملکتیم، نه کاسکئتیم قالدی سنین اورا ایشی نه یوللارینی داشیمیش آیاق قابیم سون گؤملهییم ده سیرتیمدان پارالاندی شیله بئزیندن دی سن ایندی یالنیز ساچیمین آغیندا اینفارکتیندا اوره ییمین آلنیمین جیزگیلرینده سن مملکتیم، مملکتیم.
Memleketim, memleketim, memleketim,
+ Yazılmış 5 May 2011 Saat 6:3 بعد از ظهر Yazan turkdaniz - toral | | |
|
Powered By AzarwebOnline.com 2008-2009 V.Nariman |
||
«ایقناسیو سانچئز مئخیاس» اوچون مرثیه